मराठी कविता
प्रत्येक गोष्टीची वेळ असते
तेव्हाच ती घडायला हवी
वेळ निघून जाण्यापूर्वीच
तिची किंमत कळायला हवी......
Monday, June 11, 2007
Sunday, June 10, 2007
आयुष्य
आयुष्य असच जगायचं असतं........
कुठून सुरु झालं हे माहित नसलं,
तरी कुठे थांबायचं हे माहित असतं,
आयुष्य असच जगायचं असतं.
जे घडेल ते सहन करायचं असतं,
बदलत्या जगाबरोबर बदलायचं असतं, आयुष्य असच जगायचं असतं.
कुणासाठी काहीतरी निस्वार्थपणे करायचं असतं,
स्वतःच्या सुखापेक्षा इतरांना सुखवायचं असतं,
आयुष्य असच जगायचं असतं.
दुःख आणि अश्रुंना मनात कोंडून ठेवायचं असतं,
हसता नाही आलं तरी हसवायचं असतं, आयुष्य असच जगायचं असतं.
पंखामध्ये बळ आल्यावर घरटं सोडायचं असतं,
आकाशात झेपावूनही धरतीला विसरायचं नसतं,
आयुष्य असच जगायचं असतं.
मरणानं समोर येऊन जीव जरी मागितला तरी,
मागून मागून काय मागितलस् असच
म्हणायचं असतं,
आयुष्य असच जगायचं असतं.........
Saturday, June 2, 2007
एका तळ्यात होती बदके पिले सुरेख
एका तळ्यात होती बदके पिले सुरेख
होते कुरूप वेडे पिल्लू तयात एक
कोणी न तयास घेई खेळावयास संगे
सर्वांहुनी निराळे ते वेगळे तरंगे
दावूनि बोट त्याला, म्हणती हसून लोक
आहे कुरूप वेडे पिल्लू तयांत एक
पिल्लास दु:ख भारी, भोळे रडे स्वतःशी
भावंड ना विचारी, सांगेल ते कुणाशी
जे ते तयास टोची दावी उगाच धाक
होते कुरूप वेडे पिल्लू तयांत एक
एके दिनी परंतू पिल्लास त्या कळाले
भय वेड पार त्याचे वार्‍यासवे पळाले
पाण्यात पाहताना चोरूनिया क्षणैक
त्याचेच त्या कळले, तो राजहंस एक
गीत – ग. दि. माडगूळकर
