Showing posts with label मृत्यू. Show all posts
Showing posts with label मृत्यू. Show all posts

Monday, March 5, 2012

श्वास माझे तुझ्यासाठी काही काळ थाबले होते


श्वास माझे तुझ्यासाठी काही काळ थाबले  होते
जीव माझा जात होता,पण प्राण
काही अडले होते
शेवटच्या क्षणी सुद्धा श्वास काही निघत नव्हता
तुला एकदा बघण्यासाठी जीवही काही ठरत नव्हता
शरीराची हि यात्रा आता संपत  आली होती
काही क्षणात याची होणार
माती याची तयारी झाली होती
-अनामिक

Friday, March 2, 2012

आनंदाचे गीत स्फ़ुरावे सरणावरती जाता जाता

खंत नसावी, ताण नसावा, श्वासांवरती, जाता जाता
आनंदाचे गीत स्फ़ुरावे सरणावरती जाता जाता

धगधगणारी आग शमावी दाह नुरावा शीतलतेने
त्या राखेतुन बाग फ़ुलावी, दरवळ भवती, जाता जाता

जे असते ते भोगुन घ्यावे, सोडुन द्यावे, विसरुन जावे
अर्पण सारे येथे ईथले, ओंजळ झरती, जाता जाता

प्राणपणाने प्राणार्पण हो, जीवनधारा ही सरताना
... व्याकुळ व्हावे अंबर सारे, व्याकुळ धरती, जाता जाता

"त्या" वाटेच्या ह्या वळणावर आज नव्याची नीव धरावी
ब्रम्हांडातुन शून्य उरावे? सागर भरती, जाता जाता

सुरुचि नाईक
८/०२/१२

Tuesday, September 2, 2008

मृत्यू

वेडा म्हणाल मला
पण मी वेडा मुळीच नाहि
खरे सांगतो मित्रांणो
मृत्यूसारखी सुंदर गोष्ट
या जागात दुसरी कुठलीच नाही

जिवन हे पुरतेच छळते
याची जाणीव मात्र
सरणावर जळताना होते
भाई-बंधू सगे सगे-सोयरे
असतात नुसते नावापुरते
यमासारखा खरा मित्र
जिवनात शोधूनहि सापडत नाही
मृत्यूसारखी सुंदर गोष्ट
या जागात दुसरी कुठलीच नाही

पाप-पुण्याची गणना
येथे कर्म-कांडाच्या बळावर करतात
केलेली पापे धुण्यासाठी
मग श्री क्षेत्रे फ़िरतात
पृथ्वीवर जेवढे पाप
तेवढे प्रत्यक्ष नरकात सुद्धा नाही
आणी या नरकातुन सोडवणारा
मृत्यूशिवाय दुसरा कुणीच नाही
मृत्यूसारखी सुंदर गोष्ट
या जागात दुसरी कुठलीच नाही

गरिब श्रिमंत, कोण मोठा कोण छोटा
याच्या दरबारि मात्र
सर्वांना सारखीच जागा
नश्वर या जगात
अमर असा कुणीच नाही

साक्षात स्वर्ग सुद्धा पहायला
मृत्यूशिवाय पर्याय नाही
म्हणुन म्हणतो मित्रांणो
याला घाबरण्यासारख काहिच नाही
मृत्यूसारखी सुंदर गोष्ट
या जागात दुसरी कुठलीच नाही !