मराठी चारोळ्या

मराठी चारोळ्या

सागराच्या लाटांची एक ,

वेगळीच गम्मत असते 

जेंव्हा आपण जातो किनार्यावर,

तेंव्हा ती स्वागत करते आणि 

जेंव्हा आपण निघतो किनार्यावरून,

तेंव्हा ती"परत या माझ्या भेटीला"

असे नकळत सांगून जाते

****************************

पावसाच्या सरी..

पसरल्या सार्‍या अंगणी.

ओल्या मातीत भिजलेल्या...

ओल्या तुझ्या आठवणी...

****************************

ओठाना जे जमत नाही ते फूल बोलतात,

मनातल्या भावना ते रंगामधून तोलतात,

मनातील फुलांना तर मंगल्याचा गंध असतो,

मनापासून प्रेम करण्यात खरचं किती आनंद असतो..

****************************

तो स्पर्श सांग तुजला सांगुन काय गेला
गालावरी तुझ्या का खुलवुन लाज गेला.....
होता जरा शहारा, वेडा खुला बहाना
ओठांवरी तुझ्या का, चढवुन साज गेला....

****************************

... संगीत शांत केले अंधार गात गेला
बेहोश रम्य राती उधळून श्‍वास गेला....
भिजवुन अंग सारे विझवुन शब्द सारे
रंगात आज तुजला, रंगुन भास गेला...

****************************

मन गुंतायाला हि वेळ लागत नाही आणि ..

मन तुटायला हि वेळ लागत नाही 

वेळ लागतो फक्त ...

ते गुंतलेले मन आवरायला आणि

तुटलेले मन सावरायला

****************************
एकदा तरी आयुष्यात कुणी असे भेटावे,
ज्याच्या सोबतीतल्या प्रत्येक क्षणाने सुखावावे,
उन्हात त्याने सावली तर पावसात थेंब व्हावे,
आणि मायेच्या थेंबानि मी चिंब भिजुन जावे.

****************************
 -अनामिक

  ****************************