गीतरंग
निळे नी सावळे मोकळे आभाळ
भिजते रंगात सांजवेळी.....
सुदूर रुळते डोंगराची माळ
मध्येच गुलाल सांडलेली
निळे नी सावळे मोकळे आभाळ....
जवळ नी दूर उभे तरुवर
सय पावसाची साठवूनी
श्वास ओलसर वाऱ्याचा मंदसा
मातीस सुगंधी आठवणी
मोकळे आभाळ, मोकळे आभाळ
निळे नी सावळे मोकळे आभाळ....
दिठीची लेवून नाजुक चौकट
चित्रमय जग उभे आहे अशब्द,
निःशब्द विश्वरुप मौन भासते सचित्र बोलू पाहे
मोकळे आभाळ, मोकळे आभाळ
निळे नी सावळे मोकळे आभाळ....
गीतकार : सुधीर मोघे
#eaksharman
0 comments:
Post a Comment