पाय कुठे चालले
वाट काय बोलते
एक दिशा बोलवते
अन मागे ही ओढते ।
माया की छाया ही
जोजवते सावली
पंखांना बळ देऊनिया
हाक देते माऊली।
पंथ दिला ओढ दिली
वाट तूच दाखवली
मायेतून गुंतवले
तूच पुन्हा साद दिली।
जन्माच्या चक्राची
वारी तू चालविली
पंखांशी बळ देऊनिया
हाक देते माऊली।
नाव तुझे सुर तुझा
कंठातुन दाटला
भक्तिचा सोहळा मी
डोईवर थाटला।
माऊली।
लेकराच्या डोळी
भोळ्या विठ्ठलाची बाहुली
वारी तू चालविली
पंखांशी बळ देऊनिया
हाक देते माऊली।
~ गजर चित्रपट
#वारी
