काव्य ५

सुख वेचिन म्हणण्या आधी

 घन दुःखाचा गहिवरतो 

अन दुःख सावरु जाता 

कवडसा सुखाचा येतो 

या ऊन सावली संगे 

रमण्यात ही मौज म्हणूनी

मी हसून हल्ली माझ्या 

जगण्याला श्रावण म्हणतो 

"श्रावण"

गुरू ठाकूर 

Read More

चौकट मोडून बघेण म्हणतो

चौकट मोडून बघेण म्हणतो
मनासारखे जगेण म्हणतो
परी नेमका येउन छळतो
प्रश्न एक कातील
"पण लोक काय म्हणतील?"

झेलीत पाऊस चिँब भिजावे
सुचेल गाणे तिथेच गावे
वाटे शिँगे मोडून व्हावे वासरात सामील
"पण लोक काय म्हणतील?"

भिडभाड हुसकावीन म्हणतो
जगास हिम्मत दावीन म्हणतो
फाडीन म्हणतो सर्व मुखवटे
जीथे जसे दिसतील
"पण लोक काय म्हणतील"?
- गुरू ठाकूर

Read More