चारोळ्यांचा स्टोरी board
नुसतं दिसणं पुरेसं असतं !
बोलायची गरज नसते !!
अशी नजरभेट मग कितीवेळ !
मागल्यादारी
मी आठवत बसते !
=================
वेड्या क्षणी भास होतो
तू जवळ असल्याचा
डोळे उगाच दावा करतात
तू स्पष्ट दिसल्याचा
=================
आता आपण भेटलोतर
मी आधी बोलणारच नाही तुझ्य़ाशी
एरवी असं जमत नाही पण
यावेळी मी वाट पाहीन जराशी....
~चंद्रशेखर गोखले
=================
जेंव्हा डॊळ्य़ाना नजर
थोपवता येत नाही
तेंव्हा नजरेवर सगळं
सोपवता येत नाही...
=================
ओठात गुदमरलेले शब्द
अलगद डोळ्यांकडे वळले
पापण्य़ा जरा थरथरल्या
म्हणून गूपीत तुला कळले.
=================
माझी गोष्ट मला सांगताना
मी जास्त खोलात शिरत नाही
कारण नावालाही मग मी
निर्दोष असा उरत नाही ...
=================
चंद्राला माझं घर
तुझ्यामुळे माहीत
कारण हल्ली मी त्याच्या सोबत जागतो
तुझ्या स्वप्नांसहीत........
=================
तू सोबत असलीस की
मला माझाही आधार लागत नाही
तू फक्त सोबत रहा
मी दुसरं काही मागत नाही..
=================
एकांतात स्वता:ला आरशात पाहणं
हा अनुभव साधा नाही
तसे आपण साधे असतो
पण मनातला चोर सीधा नाही.....
=================
तिन्हिसांजेला...
तळ्याकाठी...
कोणी खोळंबतं
कुणासाठी............
===========
नसती उत्तरं द्यावी लागतात
वेड्यासारखं वागल्यावर
पण वेड्यासारखच वागायला होतं
पाऊस पडायला लागल्यावर..........
चंद्रशेखर गोखले
Posted by : विद्या
0 comments:
Post a Comment