Sunday, June 12, 2011

सर बरसू लागे..वारा उधाणू लागे..

वेड्या सरींच्या संगे..

ऋतू हा हिरवा..|

नभ भरून येई.. मेघ मल्हार गाई..

वीज ताल हो देई..

पाऊस कविता..|

अशा सुरेल दिनी..दाटे आनंद मनी..

अशी मोहक गाणी..

सरींनी गायली..|

अशी मैफिल जमे..मोर तालात नाचे..

सूर नभात भिणे..

मंजुळ मुरली..|

वर डोंगर माथी..झरे गीत हे गाती..

धबधबे ही ओती..

सुरेल तानांचे..|

पाट वाही झुळझुळ..त्याचे सूर देई भूल..

खळाळून उठे ताल..

सुरमयी तराणा..|

अशा सुरेख रचना..भारावून टाकी मना..

सूरगंधर्व घराणा..

नभातून जन्मतो..||

--निखिल

ई अक्षर मन