Showing posts with label मुली. Show all posts
Showing posts with label मुली. Show all posts

Monday, May 28, 2012

गोऱ्या गोऱ्या गालावरी चढली लाजेची लाली

गोऱ्या गोऱ्या
गालावरी चढली लाजेची लाली
ग पोरी नवरी आली

सनईच्या सुरामद्धे चौघडा बोलतो दारी
ग पोरी नवरी आली

सजणी मैत्रिणी
जमल्या अंगणी
चढली तोरण मांडवदारी
किंकिण कांकण
रुणझून पैजण
सजली नटली नवरी आली

गोऱ्या गोऱ्या
गालावरी चढली लाजेची लाली
ग पोरी नवरी आली
सनईच्या सुरामद्धे चौघडा बोलतो दारी
ग पोरी नवरी आली

नवऱ्यामुलाची आली
हळद हि ओली
हळद हि ओली लावा
नवरीच्या गाली
हळदीन नवरीच
अंग सारं माखवा
पिवळी करून तिला
सासरी पाठवा

सजणी मैत्रिणी
जमल्या अंगणी
चढली तोरण मांडवदारी
सासरच्या ओढीन हि हसते हळूच गाली
ग पोरी नवरी आली
सनईच्या सुरामद्धे चौघडा बोलतो दारी
ग पोरी नवरी आली

सासरी मिळूदे तुला
माहेरची माया
माहेरच्या मायेसंग
सुखाची गा छाया
भरुनिया आले डोळे
जड जीव झाला
जड जीव झाला लेक
जाय सासराला
आनंदाच्या सरी तुझ्या बरसू दे घरी दारी
ग पोरी सुखाच्या सरी
सनईच्या सुरामद्धे चौघडा बोलतो दारी
ग पोरी नवरी आली......
-गुरु ठाकुर 

Sunday, March 11, 2012

मुलीचें जिवन हे असंच असतं

मुलीचें जिवन हे असंच असतं


 हि कविता खास मुलींनसाठी.. .............

मुलीचें जिवन हे असंच असतं,
तुझं आणि तिच...ं सारखचं असतं..
ज्या कुटुंबात वाढुन मोठे व्हायचं असतं,
त्याचं कुटुंबाला सोडून जायचं असतं..

ज्या आईचे बोट धरून चालण शिकायचं असतं,
त्याचं बोटाने कुंकू लावून निघायचं असतं..
ज्या वडिलांच्या खांद्यावर खेळून मोठ व्हायचं असतं,
त्याचं खांद्यावर डोकं ठेवून रडायचं असतं..

ज्या बहीण भावाला भांडूंण रड्वायचं असतं,
त्यांनाचं सोडून जाताना रडायचं ही असतं..
मुलीचें जिवन हे असंच असतं..
-अनामिक

Friday, February 24, 2012

आता तरी हसून घे


आता तरी हसून घे
आजचा दिवस मिळालाय तुला
आज तरी जगून घे

कश्याला उद्याची काळजी करतेस
आता तरी हसून घे

माहीत आसते सर्वाना फुलणारे
फूल हे सुकनारेच असते
किती ही ते जपले तरी

कोमेजनारच असते
आज फूललय ते सुगंधात न्हाऊन घे
आजचा दिवस मिळालाय तुला
आज तरी जगून घे

कश्याला उद्याची काळजी करतेस
आता तरी हसून घे

काही बरोबर आणलेल नसत
काही बरोबर नेता येत नाही
इतकी दुर्दैवी नको बानूस की कोणाला
क्षणभर सुख ही देता येत नाही
देण्यात ही सुख आसते
ईतके तरी समजावून घे
कश्याला उद्याची काळजी करतेस
आता तरी हसून घे

आजचा दिवस मिळालाय तुला
आज तरी जगून घे
कश्याला उद्याची काळजी करतेस
आता तरी हसून घे

काहीच आपल्या हातात नसत
काहीच आपण करत नाही
किती ही योजना आखल्या
तरी तसे काही घडत नाही
कश्याला विचार करतेस होईल तसे करून घे

कोणावर तरी प्रेम कर
आपला त्याला मानून घे

आजचा दिवस मिळालाय तुला
आज तरी जगून घे

कश्याला उद्याची काळजी करतेस
आता तरी हसून घे

तुला काय वाट ते तूच
सारे करत आसतेस
नशिबात जे आसते तसेच
सारे घडत असते
मीळतय जे आत्ता तुला
ते तर उपभोगून घे

काळजी सोड नशिबवर स्वत:वर हसून घे
शहाणपण ठेव बाजूला
मनप्रमाणे जगून घे

आजचा दिवस मिळालाय तुला
आज तरी जगून घे

कश्याला उद्याची काळजी करतेस
आता तरी हसून घे.....
-अनामिक 

Sunday, November 27, 2011

मुलीनेच का ग नेहमी सासरी जायचं?


एकदा आजीला म्हणाली
मुलीनेच का ग नेहमी सासरी जायचं?
आपली माणसं सोडून तीनेच का
परक घर आपलं मानायचं?

तिच्याकडुनच का अपेक्षा
जुनं अस्तित्व विसरायची

तीच्यावरच का जबरदस्ती
नवीन नाव वापरायची?

आजी म्हणाली अगं वेडे
हा तर सृष्टीचा नियम आहे

नदी नाही का जात सागराकडे
आपलं घर सोडून,
तो येतो का कधितरी तिच्याकडे
आपली वाट मोडून.

तीच पाणी किती गोड तरीही ती
सागराच्या खारट पाण्यात मिसळते
आपलं अस्तित्व सोडून ,
ती त्याचीच बनुन जाते.

एकदा सागरात विलीन झाल्यावर
तीही सागरच तर होते.

पण म्हणुन नेहमी तिच्यापुढेच
नतमस्तक होतात लोकं ,

पापं धुवायला समुद्रात नाही
गंगेतच जातात लोकं…………
-अनामिक 

Sunday, March 20, 2011

मुलीचें जिवन..

मुलीचें जिवन..


मला आजही आवडते
ती नववारी साडी..........

मस्त नटून मिरवायला
कानात बुगडी घालून
... ... आवारात हिंडायला
नाकात नथनी सारखी-सारखी
बाजूला सारून बोलायला
गळ्यात तो लक्ष्मी हार
रुबाबात चमकत फिरायला
कपाळी छान कुंकू भरायला
आणि समारंभात घुटमळायला
सारखे पाहुण्यांच्या पुढे पुढे
करायला आजही आवडते
केसांत अबोली माळून
अबोलतेनेच हसायला ..........

मला आजही आवडते
ती नववारी साडी................
        देव पेडणेकर(१६/०३/२०१२--११.१५)