Saturday, February 16, 2013

सुरकुतलेले गाल, अन थरथरणारे हात



सुरकुतलेले गाल, अन थरथरणारे हात,
खोल गेलेले डोळे अन पडून गेलेले दात!
पण पाठीवर हात ठेवता, मिटते सारी काळजी,
लाडक्या या नाताची, लाडकी माझी आजी!

आजीच्या हाताची चव लय लय भारी,
पोट भरेपर्यंत मग ती स्वःता मला चारी!
हॉटेल मधल्या पिझ्झाला तिची चव नाही,
भूक लागल्यावर चारायला आता ती नाही!

आईच अन आजीच मात्र कधीच पटत नाही,
एकदातरी भांडल्याशिवाय दिवस जात नाही!
बाबांनी ओरडल्यावर मात्र आई रडत बसते,
तेव्हा मात्र स्वःता हि तिचे डोळे पुसते!

आजीची माझ्या गोधडी सतरा ठिकाणी फाटलेली,
तरीसुद्धा मायेने ओतप्रोत भरलेली!
बेडवरच्या गादीवर झोप मला येत नाही!
पाणावलेले डोळे मग गोधडी तुझी शोधत राही!

आजीचा माझ्या जीव सगळ्या तिच्या लेकरांवर,
गोठ्यामधली गाई अन कोंबडीच्या पिल्लावर!
सगळ्यांचीच नेहमी करत बसणार काळजी,
लाडक्या या नाताची, लाडकी माझी आजी!

माझ्यावर माझी आजी जीवापाड प्रेम करायची,
शब्द पडण्यापूर्वीच इच्छा पूर्ण करायची!
त्या दिवशी मात्र तिन माझ ऐकलं नाही,
हाका मारून रडलो तरी साद दिली नाही!

रडून रडून नंतर डोळे गेले थकून,
आजी माझी गेली आयुष्यातून निघून!
लाडक्या तिच्या नाताला एकटच माग सोडून,
आजी माझी गेली देवाकडे निघून!

देवाने अस का केल मला माहिती आहे,
माझ्याइतकाच तोसुद्धा प्रेमाचा भुकेला आहे!
ए देवा, आजीला माझ्या नेहमी सुखात ठेवायचं,
पुढच्या जन्मीसुद्धा तिलाच तू पाठवायचं!
-अनामिक 

Friday, February 15, 2013

Thursday, February 14, 2013

ओल्या सांजवेळी, उन्हे सावलीस बिलगावी



ओल्या सांजवेळी, उन्हे सावलीस बिलगावी
तशी तू जवळी ये जरा
कोऱ्या कागदाची, कविता अन जशी व्हावी

तशी तू हलके बोल ना
आभाळ खाली झुके, पावलांखाली धुके
सुख हे नवे सलगी करे, का सांग ना

सारे जुने दुवे, जळती जसे दिवे
पाण्यावरी जरा सोडून देऊया

माझी ही आर्जवे, पसरून काजवे
जातील या नव्या वाटेवरी तुझ्या

रस्ता नवा शोधू जरा, हातात हात दे
पुसुया जुन्या पाउल खुणा
सोबत तुझी साथ दे

वळणावरी तुझ्या पाऊस मी उभा
ओंजळ तुझी पुन्हा वाहून जाऊ दे

डोळ्यातल्या सरी विसरून ये घरी
ओळख आता खरी होऊन जाऊ दे

सांभाळ तू माझे मला माझ्या नव्या फुला
मी सावली होऊन तुझी देईन साथ ही तुला

ओल्या सांज वेळी (प्रेमाची गोष्ट)
म्यूज़िक डाइरेक्टर :- अविनाश - विश्वजीत
गीतकार :- अश्विनी शेंडे
गायक:-स्वप्निल , बेला शेंडे

Like This Page
[ https://www.facebook.com/mybolimarathi ]

Thursday, February 7, 2013

आंतरराष्ट्रीय पुस्तक मेळ्यात ऑडिओ बुक्सची चलती

आंतरराष्ट्रीय पुस्तक मेळ्यात ऑडिओ बुक्सची चलती
सौजन्य :महाराष्ट्र टाइम्स 

पुस्तके आता वाचतच बसायला हवी , अशी आवश्यकता नाही . बसल्या जागी फक्त ते ऐकायला वेळ काढा . श्राव्य ( ऑडिओ ) पुस्तकांमुळे ही संकल्पना प्रत्यक्षात साकार झाली आहे .

दिल्लीच्या आंतरराष्ट्रीय पुस्तक मेळ्यात यंदा लक्षावधी छापील व ई - पुस्तकांच्या गर्दीत , सर्वाधिक आकर्षणाचे केंद्र ठरला आहे हॉल क्रमांक एक मधला ' रिडो डॉट कॉम ' चा स्टॉल . जिथे पाच हजारांहून अधिक पुस्तके ऑडिओ स्वरुपात उपलब्ध आहेत .

पाश्चात्य देशात ऑडिओ बुक्स ही संकल्पना वेगाने लोकप्रिय होते आहे . भारतात मात्र हा प्रयोग नवा आहे . ' रिडो डॉट कॉम ' च्या स्टॉलवर सर्वाधिक लोकप्रिय पुस्तक ठरले आहे चाणक्य नीती . याखेरीज खुशवंतसिंग यांचे ' द कंपनी ऑफ विमेन ', ' डोंगरी टू दुबई ', ' द हॅबिट ऑफ विनिंग ', ' द इमॉर्टल्स ऑफ मेलुहा ', ' द सेव्हन हॅबिट्स ' आदी ऑडिओ पुस्तकेही लोकांच्या पसंतीला उतरली आहेत . लवकरच अधिकाधिक भारतीय पुस्तके ऑडिओ फॉर्ममध्ये उपलब्ध होतील , असे कंपनीचे सीईओ सुमित सुनेजा म्हणाले .

अनेक जण हौसेने पुस्तके खरेदी करतात . मात्र वाचायला वेळ नाही , अशी खंत व्यक्त करताना दिसतात . अशा लोकांसाठी ऑडिओ बुक्स ही संकल्पना अत्यंत प्रभावी ठरणार आहे . इतके दिवस अनेकांना आपण मोबाइलवर गाणी अथवा संगीत ऐकताना पहायचो . आता मोबाइल अथवा टॅबलेटवर पूर्ण पुस्तक लोड करणे अवघड नाही . बस , लोकल अथवा मेट्रोच्या प्रवासात , कानाला छानसा हेडफोन अथवा छोटे स्पीकर्स लावून आता अख्खे पुस्तक ऐकता येईल .

मराठी मेळा
दिल्लीच्या प्रगती मैदानावर येत्या १० फेब्रुवारीपर्यंत आयोजित आंतरराष्ट्रीय पुस्तक मेळयात इमारत क्रमांक १४ मध्ये दालन क्रमांक ८७ व ८८ मराठी पुस्तके व ग्रंथांनी सज्ज आहेत . नामवंत लेखकांची गाजलेली अधिकाधिक मराठी पुस्तके या मेळ्यात वाचकांना उपलब्ध करून देण्यासाठी मराठी प्रकाशक परिषद व अ . भा . मराठी प्रकाशक संघ या दोन संस्था विशेष प्रयत्न करीत असतात . दिल्लीकरांनी ताज्या मराठी पुस्तकांचा , ग्रंथांचा व प्रकाशनांचा लाभ घ्यावा , असे आवाहन या संस्थांचे पदाधिकारी रमेश कुंटूर , अरविंद पाटकर , व अरुण जाखडे यांनी केले आहे .

Saturday, February 2, 2013

वडिलांना मदत

बोधकथा - २
वडिलांना मदत


भगवान बुद्ध त्या काळात आपल्या शिष्यगणांसह गावोगावी जात होते. एका गावाच्या वेशीवर एक वृद्ध आपल्या मोठ्या टोपलीतून भाजी विकण्यास बसला होता.

ती टोपली जड होती व त्याला तेथून दुसरीकडे जायचे होते म्हणून येणा-या - जाणा-या वाटसरुंना तो आपल्या डोक्यावर टोपली ठेवण्यास मदत करण्याची याचना करत होता. पण कोणीही त्याच्याकडे लक्ष देत नव्हते. ते शिष्यगणही मजा बघत होते. हे पाहताच भगवान बुद्ध स्वतः पुढे झाले व त्यांनी वृद्धाच्या डोक्यावर टोपली उचलून दिली. त्या वृद्धाने त्यांना ओळखले होते.

तो म्हणाला, सा-या जगाच्या दृष्टीने ते कोणीही असोत, पण माझ्या दृष्टीने माझ्या मुलासारखे आहेत ! त्याचे बोलणे ऐकून शिष्य आश्चर्यचकित झाले. त्यांनी विचारले, हे कसे शक्य आहे ? तो वृद्ध उत्तरला, जगात प्रत्येक मुलगा हा आपल्या मातापित्यांचा आधार असतो. त्यांचे कष्ट उपसण्यास नेहमीच मदत करत असतो.

आज त्यांनीही मला मदत केली आहे. माझे कष्ट हलके केले आहेत. मग ते माझ्या मुलासमानच नाहीत का ? सा-या शिष्यांनी त्या वृद्धाचे पाय धरले व क्षमा मागितली.

Friday, February 1, 2013

बालपण खरच छान असतं

बालपण खरच छान असतं
सारं जग कसं मोकळं रान असतं
त्या चिमुकल्या पंखांना
आभाळ देखील लहान असतं

बालपण खरच छान असतं .....

आईचं धरलेलं बोट
जगाचं एक एक टोक असतं
माउलीच्या कुशी मध्ये
आपलं सारं ब्रम्हांड वसतं

बालपण खरच छान असतं .....

आईचा पदर हेच आपलं
आभाळ असतं
आभाळ गवसण्या आभाळ
देखील लहान असतं

बालपण खरच छान असतं .....

-श्रीकांत राजेंद्रकुमार देशमाने !!

Tuesday, January 29, 2013

गडद जांभळं भरलं आभाळ

                                                              
 गडद जांभळं भरलं आभाळ
मृगातल्या सावल्यांना बिलोरी भोवळ
खोलवरी चिंब बाई मातीला दरवळ

सांजेच्या मलूल धुळवड येळेला
भरल्या पदरानं झाकावी भूल
खोलवरी चिंब बाई मातीला दरवळ

गीत – ना. धों. महानोर
संगीत – आनंद मोडक
स्वर – उत्तरा केळकर, रवींद्र साठे, अरुण इंगळे
चित्रपट – एक होता विदूषक (१९९२)

Monday, January 28, 2013

ई साहित्य कथा विभाग


ई साहित्य कथा विभाग 


शो-पीस (कथा संग्रह) ~ अरुण वि देशपांडे 
October 29, 2012
------------------------------
अनंतराव एक लोकप्रिय हेडक्लार्क म्हणून विख्यात होते. याचे रमाबाईंना भारी कौतुक होते ... त्यापेक्षा काकणभर जास्त अभिमान होता.
नवर्याच्या आवडींना जपणे, लक्षात ठेवून त्या पुरवणे, - असा प्रेमळ स्वभाव असणार्या रमाबाईंनी इथल्या नव्या नव्या वातावरणात पलटी का मारली असेल? अनंतरावांना काही कळेनासे झाले.
Download 
 ईबुक  @ http://www.esahity.com/uploads/5/0/1/2/501218/e_book_showpiece.pdf



------------------------------

विषामृत (कथा संग्रह) ~ आनंदिनी
July 28, 2013 



या सर्व कथा यातील पात्रे काल्पनिक आहेत. पण त्यातील नाती जसे सासू सून , नवरा बायको , आई बाळ , त्यातल्या पक्क्या गाठी , त्यातले प्रेम काल्पनिक कसे असू शकते.. 



------------------------------


------------------------------

वाचकांच्या प्रतिक्रिया :


मराठी कथा फारच छान आहे, कथा एकदम दर्जेदार आहे
---संजय गोखले
------------------------------

पुस्तक वाचायला साधारण विस मिनिटे लागली .प्रयत्न चांगला आहे अजून कथेत सकसपणा आणता आला असता .पुढील वाटचाली करता हार्दिक शुभेच्छा 
---आनंद खेर
------------------------------




“आभास हा” : लेखक मंदार कात्रे. 
October 1, 2013
------------------------------
हे मंदार कात्रे अर्ध्याहून अधिक काळ परदेशात असतात. आणि परदेशी नोकरीच्या आकर्षणात मराठी मुलांची कशी कशी फ़सवणूक होते त्याचे सत्य अनुभव म्हणजे हा कथासंग्रह” आभास हा”. 

------------------------------
Ebook download @ http://www.esahity.com/uploads/5/0/1/2/501218/abhas_haa.pdf

--------------------------------------------------
वाचकांच्या प्रतिक्रिया :

नमस्कार
आपला कथासंग्रह आभास हा नुकताच वाचला ,मला मनापासून यातल्या कथा पात्रे
संवाद आणि प्रसंग आवडले . आभास हा कथेतील चंदू किंवा चकवा कथेतील आशिष
म्हणा किंवा वेंकट अय्यर या व्यक्ती समाजात आजूबाजूला दिसत असतात जाणवून
येतात . पण भूलभुलैया मधील विश्वकर्मा ,सलील देशमुख डॉन कथेचा नायक
,अवलिया चंदू या खरोखरच फार भयानक भीषण वाटाव्या अशा प्रसंगातून गेलेल्या
दिसतात . नातेवाईक मित्र मंडळी परदेशात स्थायिक असतात नोकरी करत असतात पण
अस काही घडत असेल याची वरवरदेखील कधी कल्पना येत नाही ,पेपरमधून अधून
मधून अशा गोष्टी वाचायला मिळतातच "नार्वे सरकारने लहान बाळ ताब्यात घेणे
,ऑस्ट्रेलिया चीन मध्ये भारतीय विद्यार्थ्यांना त्रास" पण हे सगळ वाचले
जाते आणि सुटून जाते . आपल्या या साऱ्या कथांमधून हे प्रसंग प्रत्यक्ष
अनुभवणारी व्यक्ती कोणत्या विचारसरणीतून कोणत्या मानसिक स्थितीतून जाते
आहे हे खरच समजून येते . वाचताना प्रत्येक कथेशी एक भावनिक नाळ जोडली
जाते . शेवटी जात पात धर्म लिंग भाषा रेहन सेहन वेश देश या साऱ्या सीमा
ओलांडून पुढे गेले तरी आयुष्य नावाची गोष्ट समोर येत राहते आणि त्याला
न्याय "चांगुलपणा आणि माणुसकी " नावाचीच गोष्ट देत राहते ,आपल्या कथा
वाचताना मला पुन्हा पुन्हा हेच जाणवले .
आपले मनापासून अभिनंदन आणि सदिच्छा

----कविता मोकाशी ,मिरज
---------------------------------------






अंतरीच्या गूढगर्भी
December 12, 2013


लेखक ~ संकल्प आभाळे. 
कथासंग्रह
________________________________________
वाचकांच्या प्रतिक्रिया :

संकल्पच्या कथांबद्दल प्रसिद्ध कवी संदिप खरे म्हणतात, “ संकल्पच्या कथा या जगण्याला संवेदनशील हातांनी स्पर्श करणार्या कथा आहेत. आयुष्यातल्या बारिकसारिक घडामोडींचा, नातेसंबंधांचा आणि अनुभवांचा त्या वेध घेऊ पहातात. ... आयुष्याकडे उघड्या डोळ्यांनी आणि जिवंत मनाने संकल्प पहातो...”
________________________________________
Ebook download @
http://www.esahity.com/uploads/5/0/1/2/501218/sankalpa_abhale_11_dec_cute.pdf
________________________________________


#esahity

ध ध ध ध धमाल विनोदी #कथासंग्रह
January 28, 2014
भव्य दिव्य अवाढव्य : विजय काचरे
____________________________
Ebook download @ http://www.esahity.com/uploads/5/0/1/2/501218/bda_bhavy_divy_awadhavya.pdf
_____________________________

ई साहित्य प्रतिष्ठान
www.esahity.com
Subscribe More Ebook @ esahity@gmail.com
ई साहित्य प्रतिष्ठानची सर्व ई पुस्तके विनामूल्य असतात.

Saturday, January 26, 2013

Monday, January 14, 2013

मकरसंक्रांत SMS

मकरसंक्रांत SMS

                  

गुळातील गोडवा ओठावर येऊ द्या..
मनातील कडवापणा बाहेर पडूद्या…
या संक्रांतीला तीळगुळ
खाताना आमची आठवण राहू द्या….
मकर संक्रांतीच्या हार्दीक शुभेच्छा !!


हलव्याचे दागिने, काळी साडी…
अखंड राहो तुमची जोडी
हीच शुभेच्छा, संक्रांत वर्ष दिनी…!
तिळगुळ घ्या गोड गोड बोला…!!


मांजा, चक्री…
पतंगाची काटाकाटी…
हलवा, तिळगुळ, गुळपोळी…
संक्रांतीची लज्ज्त न्यारी…
पतंग उडवायला चला रे….!!
तिळगुळ घ्या गोड गोड बोला…!!


आठवण सुर्याची,साठवण स्नेहाची,
कणभर तीळ,मणभर प्रेम,
  गुळाचा गोडवा,ऋणानुबंध वाढवा...!!!
       !!! मकर संक्रांतीच्या हार्दिक शुभेच्छा ....!!







Tuesday, January 8, 2013

RIght TO Recall - राईट टू रिकॉल प्रस्तावित कायदा


राईट  टू रिकॉल प्रस्तावित  कायदा
(RIGHT TO RECALL) 


RIGHT TO RECALL - MARATHI.pdf

मराठी भाषांतर : विद्या


Sunday, December 30, 2012

काव्यसंग्रह विभाग




८:०५ :: ७:१६ ~ सचिन काकडे
-----------
सचिन काकडे याचे हे ८:०५ :: ७:१६ अशा विचित्र नांवाचे पुस्तक म्हणजे अशा लखलखीत कवित्वाचा पुरावा. मुंबईत रोज चाळीस लाख लोक लोकलचा प्रवास करतात. पण सचिनला कॉलेज आणि नोकरीची कसरत करत असताना, जी लोकल दिसली ती लाखातील एखाद्यालाच दिसते, जाणवते, सतावते आणि आश्वस्तही करते. ही लोकल कधी त्याला आईसारखी मायाळू भासते तर कधी तिचा राक्षसी थंडपणा त्याला हादरवून टाकतो. लोखंडाच्या अनेक पत्र्यांच्या पलिकडे चिरडत जाणारा जीव सचिनच्या काळजाला हात घालतो. गार हिरवळ त्याचे डोळे शेकते. सूक्ष्म निरीक्षण आणि धारदार जाणीवांनी सचिनची कविता अतिशय टोकदार झाली आहे. हे टोक जाणवायला कातडी मात्र जिवंत असायला हवी. नाहीतर आजकाल बघू नये ते बघून बघून डोळे, मन आणि आत्मासुद्धा निर्जीवच अस्ल्यासारखे असतात. त्यांना संजीवनी देण्याचे काम सचिनच्या या कविता करतील अशी आशा बाळगायला हरकत नाही.
------------
Free download #eBook copy @ 








बालभारती आठवणीतील कविता
------------
Free download #eBook copy @ 
------------------
ई-साहित्य प्रतिष्ठान
esahity@gmail.com



बालभारती आठवणीतील कविता
------------
Free download #eBook copy @ 
------------------



बालभारती २ 
-----------
आठवणीतील कविता
------------
Free download #eBook copy @ 




चार क्षण ~ संतोष नार्वेकर 
-----------
कविता संग्रह
------------
Free download #eBook copy @ 
------------------




क्युबिकल्स~ आनंद माने
-----------
कविता संग्रह
------------
Free download #eBook copy @ 






लालनाक्या ~ प्राजक्त देशमुख
------------
Free download #eBook copy @ 


------------------




डरकाळी ~ गणेश पावले
------------
संग्रहातून :
वाघासारखी डरकाळी द्यायला नुसत वाघ असून चालत नाही 
त्यासाठी अंगात शिवाचा अंश असावा लागतो ...
रणांगणात उतरून नुसती हाताची मुठ वळवून चालत नाही 
त्यासाठी आई भवानीचा आशीर्वाद असावा लागतो..
अरे लढाया खुल्या मैदानात असोत किंवा खवळलेल्या सागरात
जिंकण्यासाठी सह्याद्रीसारखा कणा ताठ असावा लागतो ..
स्वराज्य उभ करायचं म्हणजे खायचं काम न्हाय 
त्यासाठी रक्ताचा अभिषेक करावा लागतो..
लढण म्हणजे नुसत प्राण तळहातावर घेवून चालण न्हवे 
त्यासाठी शत्रू सोडाच त्याच्या घोड्यालाही पाण्यात दिसावं लागतं..
आग्राहून सुटका.. आणि शास्तेखनाची फजिती.. अहो राजा होण्यासाठी 
अफजाल्यासारख्या पाप्याला वाघासारख फाडावं लागतं..
वाघाच्या घुरघुरण्याला डरकाळीच महत्व यायला
माझ्या राजांसारख रयतेचा वाली छत्रपती शिवाजी राजे भोसले असावं लागतं...
------------
Free download #eBook copy @ 
------------------



ग्रेव्हयार्ड लिटरेचर ~ प्राजक्त देशमुख
------------
Free download #eBook copy @ 
------------------





कृष्णा ~ स्वप्ना कोल्हे 
------------
Free download #eBook copy @ 

------------------




अहं ब्रहास्मि
-----------------

Free download #eBook copy @ 
------------

ई-साहित्य प्रतिष्ठान
esahity@gmail.com



------------------

Tuesday, November 13, 2012

दिवाळी SMS

दिवाळी SMS


सप्तरंगाच्या या प्रकाशपर्वाने
उजळून गेले कोपरे सारे

किरणांना ओंजळीत भरा त्या
अन् दीनांघरी घेऊन जा रे...

अंधाराच्या प्रत्येक कणावर
मात करणाऱ्या या

**दीपोत्सवाच्या हार्दीक शुभेच्छा**



******************
धनलक्ष्मी, धान्यलक्ष्मी,
धैर्यलक्ष्मी, शौर्यलक्ष्मी,
विद्यालक्ष्मी, कार्यलक्ष्मी विजयालक्ष्मी,
राजलक्ष्मी..! या दिपावलीत या अष्टलक्ष्मी
तुमच्यावर धनाचा वर्षाव करोत, शुभ दिपावली!
************