सांजवेळ आहे सखे...
ही सांजवेळ आहे सखे, भेटायला ये न जरा...
माझ्यासवे पावसात, भिजायला ये न जरा..||
आभाळाची लाली तुझ्या गाली जेव्हा उतरेल..
लाजताना पाहून तुला संध्याही लाजेल...|
गालांवर जो रक्तिमा, रानामध्ये पसरेल....
रक्तीम्याच्या सान्निध्यात, भेटायला ये ना जरा....||
सांजवेळ आहे सखे...
आवेगाने अशी ये, जशी उसळवी लाट...
किनार्याशी तेव्हा तुझी घडेल भिजलेली भेट...|
भिजलेले अंग तुझे भिजवेल माझी वाट....
प्रेमाचिया वाटेवर सोबतीला ये ना जरा...||
सांजवेळ आहे सखे...
भेटू दोघे असे काही, भिजू दोघे असे काही...
वियोगाच्या काळाची, थांबेल होणे लाही लाही...|
भेटू असे जसे काही, पुन्हा भेट होणे नाही...
अशा क्षणी आता सखे, येच भेटायला जरा...||
सांजवेळ आहे सखे...
-अनामिक
0 comments:
Post a Comment