Showing posts with label अक्षरवेल. Show all posts
Showing posts with label अक्षरवेल. Show all posts

Monday, February 6, 2017

साहित्य रसिक म्हणून अनुभवलेलं ९० वं अखिल भारतीय मराठी साहित्य संमेलन

                     साहित्य रसिक म्हणून अनुभवलेलं ९० वं अखिल भारतीय मराठी साहित्य संमेलन
                                                                                     





मराठमोळ्या संस्कृतीचं दर्शन घडवत ग्रंथ दिंडीला सुरवात झाली...
सरस्वतीच्या पदस्पर्शाने झाली धरणी पावन
शब्दप्रभूंचे रसिकांशी हे जीवाशिवाचे मीलन
संमेलन, संमेलन, हे शब्दांचे संमेलन
संमेलन, संमेलन, साहित्याचे संमेलन
ह्या वर्षी पहिल्यांदाच संमेलन गीत लिहिलं गेलं ते गीतकार आनंद पेंढारकर यांनी आणि पहिला गझल कट्टा सुरु झाला अखिल भारतीय संमेलनाच विशेष !
आनंदाची गोष्ट म्हणजे संमेलन महाराष्ट्रात होते
शिवाय ह्या वेळी अध्यक्षाची निवडही उत्तम होती . कारण संमेलनाध्यक्ष डॉ. अक्षयकुमार काळे वादग्रस्त विधानापासून लांब होते .
भव्य दिव्य सोहळा तीन दिवस सुरु होता. संमेलनात रांगोळी ,मूर्तिकला ,साहित्य संस्कृतीचं छान दर्शन घडवलं.
एकाच वेळी कवी संमेलन तर कुठे गझल कट्टा तर काही ठिकाणी परिसंवाद ,बोलीभाषेचा जागर सुरु होता . जमेल तेवढा सहभाग घेण्याचा प्रयत्न केला . वेळापत्रक माहिती असणं जास्त जरूर आहे हे ह्या वेळी कळलं . सह्याद्री वाहिनीवर प्रक्षेपण करण्याचा प्रस्ताव केला होता पण मागच्या दोन वर्षापासून काही मान्य केला नाही ना कोणी राजकारणी नेत्यांनी मध्यस्ती केली .

साहित्यिक वाचक प्रकाशकांचा दुवा असणारं मराठी भाषेचा प्रसार करणार ग्रंथ दालन एक आकर्षण . मराठी भाषा जास्त बोलली जावी वाचक संख्या वाढावी म्हणून प्रत्येक जण
आपल्या परीने झटत होते . पण खूप मोठं ग्रंथ दालन एक फेरफटका मारणे हि कठीण . कुठे कोणता stall आहे याची माहिती हि बाहेर कुठे लावली नव्हती .हे खटकलं . सामाजित माध्यमाचा पुरेपूर वापर करायला हवा असं अजूनही वाटतं . तंत्रज्ञान बदलतं आहे तसे बदलायला हवं . facebook आणि you tube वर live प्रक्षेपण व्हावं हि माफक अपेक्षा आहे बघू कधी पूर्ण होतेय . साहित्यिक उपक्रमा बद्दल सांगायचं झालं तर ग्रंथ तुमच्या दारी या कुसुमाग्रज प्रतिष्ठान च्या मोफत ग्रंथ वाचकांना उपलब्ध करून देते .
बदलत्या तंत्रज्ञानाचे स्वरूप ओळखून पुस्तक हि आता ebook स्वरुपात प्रकाशित करण्यात येतात . Esahity उपक्रमा बद्दल सांगायचं तर साहित्यिकांच्या मदतीने ई साहित्य प्रतिष्ठान मोफत ebook सेवा वाचकांना देते .आधी email , website वर मिळत होती आता whatsapp वर हि सुरु करण्यात आली आहे . या दोन्ही स्तुत्य उपक्रमामुळे देशा विदेशात वाचक वर्ग वाढला आहे आणि शिवाय नव्या साहित्यिकांच्या ओळखी हि वाचकांना होतात . मराठी पाऊल पढते पुढे बोलायला हरकत नाही . मराठी माणुस मराठी माध्यमाच्या शाळेला प्राधान्य देत नाही परिस्थिती बिकट आहे अध्यक्षीय भाषणात अध्यक्षांनी उल्लेख केला शिवाय वेळे नुसार शाळेतलं शिक्षण हि बदलायला हवा इंग्रजी आणि मराठी दोन्ही भाषा शिकवल्या जाव्यात ह्यासाठी महाराष्ट्र सरकार सकारात्मक पावलं उचलेलं हि आशा व्यक्त केली .
साहित्य संमेलनाच्या निमित्ताने जुने नवीन मित्रमंडळीशी भेटी गाठी झाल्या . हे खासच म्हणायचं .साहित्यिक कार्यक्रमाची रेलचेल आणि भोजनाची ही चांगली व्यवस्था होती. एकूण वाचक म्हणून अनुभव चांगला होता . दोन दिवस अनुभव घेतलेल्या संमेलनाची धुंदी अजून उतरली नाही . एवढचं सांगीन .

~ विद्या पालकर

Friday, May 20, 2016

मराठी बोल

दोन मराठी माणसं एकत्र आली की मराठी  सोडून इतर भाषा बोलायला सुरवात करतात.... भले तोड़की मोड़की हिंदी असो वा English ... मराठी बोलायचा आग्रह नसतो मुळी ...  दोघातल्या एकाचा देखील..

इतर राज्यात कशाला महाराष्ट्रात राहणारी पर राज्यातील लोकं एकमेकांना भेटली की स्वत : च्या भाषेत  बोलायला सुरवात करतात .. इथे राहून ही मुलांना न चुकता मातृभाषा शिकण्या साठी class देखील लावतात..  ~  विद्या

#मराठी_बोल

Monday, September 21, 2015

दुष्काळ



दुष्काळाच्या झळा संपता संपेना
कर्जाचा बोजा काय कमी होईना

ह्यातही घोटाळ्यावर खापर
नेत्यांचा नुसता दिखावा सुरु

शब्द फार आणि कामाची नुसती बोंब त्यांची फक्त
दुष्काळात होरपळून शेतकऱ्यांचे  जीव गेले किती

नेत्याचं नुसतं जखमेवर मीठ चोळणं उरलं
आश्वासनांचा नुसता पाऊस

येथे खेळ खंडोबा चाले
पाणी मात्र उद्योग धंद्यान साठी मिळे
चारा छावणी नाव फक्त
जिथे आसरा घेतात गुरं आणि माणसं

तरीही त्यातही घोटाळे तोंड वर करून बोले
दुष्काळाच्या झळा संपता संपेना


~ विद्या पालकर 

Thursday, December 4, 2014

सुर्योदय

सुर्योदय

रात्र संपली !
सूर्य उगवला ,पहाट झाली!


पक्ष्यांची किलबिल

अन कळ्या फुलून
सारा आसमंत बहरला !

अन क्षणात गारवा पसरला !
ते ओले दवबिंदू पानावरी बसले,

वातावरण कसे ताजे तवाने झाले !
सूर्य किरणे झाडाच्या आडोश्याने पसरु लागली ,
सूर्योदय झाला!अन नवा दिवस उगवला !!

~ विद्या 

Thursday, July 10, 2014

Thursday, April 10, 2014

चेहरा

चेहरा
-----------

चेहऱ्यावरी चेहरा
न जाणे त्यावर किती मुखवटे

विश्वास अविश्वासाच्या
साऱ्या खुणाचं भासती

कधी हास्यामागे
आक्रंदने लपवती

खळी खुलताच
चेहरे नटती

कधी अभिनयाचे पाढे दिसती
कधी नाटकांचे प्रयोग रंगती

डोळे मात्र बोलके
अंतरीचे भाव सांगती …

~ विद्या 

Saturday, February 8, 2014

Sunday, May 5, 2013

सारे काही तेच आहे

सारे काही तेच आहे…

सारे काही तेच आहे…

तेच घर …
तेच दार...

तिच माणसं …
तिच आपुलकी...

तोच मायेने फिरवणारा हात ….
तीच सावली ….
तेच जिवलग…

तोच जिव्हाळा …
तिच नाती ….

तोच आपलेपणा …
तोच नात्यामधला ओलावा …

सारे काही तेच आहे…
फक्त बदलली आहे ती वेळ …

आज ह्या घरची मुलगी …
उद्या त्या घरची सून होणार आहे …

---विद्या
4-5-2013

Thursday, May 2, 2013

मैत्री

                                                                        मैत्रीचे नाते

मैत्रीचे नाते अल्लड... !
जिवनात रंग भरुनी ते जाई ..!!
जन्म मरणाच्या विळख्याला विस्मरुनी..!
क्षणोक्षणी सुखद अनुभूती ते देई ...!!
-विद्या 
(अक्षरवेल)



'माय मराठी' अमुची मायबोली
माधुर्य तिच्या शब्दांचे
सदा रुळावे अमुच्या ओठी
हीच इच्छा वसे मनी ..
- विद्या पालकर

2-5-2013 

Friday, March 22, 2013

तू सावली




तू सावली माझ्या जीवनाची ..
तू श्वास माझ्या अंतरीचे ..

कधी अश्रू बनून ओघळणारी तू..
तरीही सदा जवळ वाटणारी तू ..

जीवनात रंग भरुनी जाणारी तू ..
नवी स्वप्ने दाखवणारी तू ..

काळाच्या आघातात हरवलेली तू ...
मात्र मनाच्या कुपीत सदा दडवलेली तू...
- विद्या 
*आईच्या स्मरणार्थ मी लिहिलेली कविता *

Sunday, April 22, 2012

आई ......ती गेली तेव्हा....


आई
(आईच्या स्मरणार्थ  मी  लिहिलेली  कविता )

ती  गेली  तेव्हा दुखा:चा पाऊस कोसळत होता !!
आयुष्याच्या कटू प्रवासाची तो चाहूल देत होता !!

आता फक्त आठवणींचा वारा दुमदुमत होता मनी !!
आणि  केविलवाण्या हृदयाला जाऊन भिडत होता !!
 ओसंडून वाहणारा डोळ्यातला पाऊस सुद्धा थांबत नव्हता !!

आयुष्यातला हिरव रान कोरडं झालं होतं !!
त्या मायेच्या अस्तित्वाला परकं झालं होतं !!

आता फक्त होता तो आठवणींचा झरा !!
हुंदके देऊन रडणाऱ्या डोळ्यांना
तिच्या प्रेमाचा ओलावा !!

----------विद्या  ---------
              8/4/2012
              8:02 pm

Thursday, August 18, 2011

भ्रष्टाचार निर्मूलन...


अण्णांच्यामागील या देशव्यापी पाठिंब्याचं रहस्य काय?  भ्रष्टाचार निर्मूलन... हा एकच ध्यास...करो या मरो हीच एक भावना  मनी ...एकच नारा सगळ्या भारतवासियांचा... "अण्णा तुम संघर्ष करो, हम तुम्हारे साथ है"
भारताच्या उज्वल भावितव्यासाठी आणि भ्रष्टाचार निर्मूलनासाठी अण्णा ना पाठींबा करा!! जय हिंद !!


Sunday, May 15, 2011

आयुष्य म्हणजे नक्की काय असत ..

आयुष्य  म्हणजे   काय  असत ... 
 -- विद्या 

आयुष्याला एक गूढ  रहस्य  म्हणु  का  न  सुटणार  कोड म्हणु ..
आयुष्य जन्म  मृत्यू  मधील जणू  एक  प्रवास  असतो ..
आयुष्य  खूप  सुंदर  आहे  ते  हसत  हसत जगावे  कि  रडत रडत ते  आपणच  ठरवायचं  असत ...
आयुष्याच्या  प्रत्येक  क्षणाच  सोन  करायचा  असत .


भगवद्‌गीता..

न जायते म्रियते वा कदाचिन्- नायं भूत्वा भविता वा न भूयः। अजो नित्यः शाश्वतोऽयं पुराणो न हन्यते हन्यमाने शरीरे॥
-आत्मा चा जन्म होत नाही आणि मृत्यू ही  होत नहीं !! शरीर नष्ट झालं  तरी आत्मा अमर असतो !!

वासांसि जीर्णानि यथा विहाय नवानि गृह्णाति नरोऽपराणि |
तथा शरीराणि विहाय जीर्णान्यन्यानि संयाति नवानि देही ॥२- २२
-ज्याप्रमाणे मनुष्य जुनी झालेली वस्त्रे टाकुन देऊन नवीन वस्त्रे धारण करतो त्याचप्रमाणे शरीराचा त्याग करुन आत्मा नवीन देह धारण करतो. 
   
   देवाच दर्शन  न  घडता  देखील  त्याच्यावर  आपली  श्रद्धा  असते ..त्याच   अस्तित्व   म्हणजे    जीवन  आहे .
हवा  दिसत  नसली  तरी  त्याची  जाणीव  होते  ना..मग  ज्या  व्यक्ती  बरोबर  आयुष्याचे  चार  क्षण  व्यतीत  केलेले असतात  त्याच  मृत्यु   नंतरच अस्तित्व  आपण का  नाकारतो ...जन्म मृत्यू   हा  आयुष्याचा  लपंडाव  आहे ...त्याला  मोक्ष  शिवाय  अंत  नाही . 

          ह्या  धावपळीच्या  जीवनात  माणूस  आयुष्य  जगायचं  विसरून  गेला  आहे ..फक्त  पैश्या  च्या  मागे  असतो ...भले  तो  चांगल्या  अथवा  वाईट  मार्ग  ने  मिळो. मृत्यू  हे  आयुष्यातलं कटू  सत्य  आहे ..शेवटी जगात  कोणाचीच  सोबत  कोणाला  पुरत  नसते ...गोड शब्दात बोलायचं झालं तर  गुण्या  गोविंदाने  राहा  आणि  ह्या  सृष्टीच नंदनवन  कराव !!

सौजन्य :  http://janak-thus-speaks.blogspot.com/2009/03/chapter-2-verse-20-of-72.html
                 http://www.bhagavad-gita.org/Gita/verse-02-22.html
                 http://www.bhagavad-gita.org/Gita/verse-02-20.html
                 http://www.misalpav.com/node/17344

तस बघायला गेला तर मृत्यु सारखी सुंदर गोष्ट नाही पण ... जन्माला आलोय म्हणजे कधी तरी येणारच आहे ... पण शेवट मात्र समाधानी व्हावा... झुरून नाही जगण्यामुळे ..1-7-2013

Thursday, April 28, 2011

पैसा झाला मोठा-एक विदारक सत्य

पैसा झाला मोठा !! 

आज कालच्या कलियुगा  मध्ये माणसांपेक्षा पैशाची किम्मत जास्त झाली  आहे !!
म्हणून तर नात्यां मधला ओलावा कमी झाला आहे !!
माणुसकी आणि नात्यां पेक्षा पैसा मोठा झाला हीच ह्या युगाची व्यथा / शोकांतिका  असावी!!


Wednesday, April 27, 2011

अंधश्रद्धा निर्मुलना साठी फेसबूक वर केलेला हा एक खटाटोप!!

अंधश्रद्धा निर्मुलना साठी फेसबूक वर केलेला हा एक खटाटोप!!

                    

माणुस कर्माने मोठा होतो !! पण समाजसेवा केल्याने 
कोणी संत आणि देव होत नाही  हे तितकच
                                                         खर  आहे !!





शेवटी प्रत्येकाचा व्ययक्तिक प्रश्न आहे कोणावर विश्वास ठेवायचा आणि कोणावर नाही तो !! मी फ़क्त माझ मत व्यक्त केल आहे !! अंध श्रद्धा निर्मुलना साठी  फेसबूक चांगला माध्यम आहे अस मला तरी वाटत !














विनंती : हिन्दू धर्म जाणण्यासाठी ज्ञानेश्वर माऊलींचा हरिपाठ,हिन्दू धर्माचे ग्रन्थ  उपयोगी पडतात..संत आणि भोंदू यामधला फरक नक्की समजायला सोपेही  करतात!!
मराठीतली म्हण : एकावे  जनाचे करावे मनाचे !!

Friday, April 22, 2011

आई-अक्षरवेल


आई !!

आई  तुझ्या गर्भातच स्वर्ग आहे !! 
जरी तू असलीस दूर ..
तरी तुजी माया सदैव मी हृदयाशी बाळगुण  आहे!!!

आयुष्याच्या शेवटच्या क्षण पर्यंत आयुष्य जगायला शिकीन हेच एक वचन देते  !!!
जमलच तर तुझ्यासारखे दुसर्‍यांना चार क्षण सुखाचे देण्याचा प्रयत्न करीन!!
शेवटी आयुष्य खुप सुंदर आहे..... हसत हसत जगायचा की कण्हत कण्हत ते प्रत्येकाने ठरवायचा असत !!!

---विद्या