गुणगुणावे तुला…की लिहावे तुला

#मराठी

गुणगुणावे तुला…की लिहावे तुला
भेट घ्यावी तुझी…की छळावे तुला…?

दूर आहे तरी…मी तुझ्या अंतरी
अन तरी सारखे मी सुचावे तुला…?

बोलता बोलता रात्र अंधाराते…
स्वप्न होऊन मी दूर न्यावे तुला…!

पानजाळीतुनी चंद्र डोकावतो
चांदणे सांगते बारकावे तुला…!

गंधली ही फुले पारिजाता तुझी
मी दवाच्यापरी जागवावे तुला…!

सांग केलास का तू असा कायदा
दोन श्वासांमधे आठवावे तुला…!
- - - - -प्रशांत
Prashant Vaidya
@ https://www.facebook.com/prashant.vaidya.503