माझे प्रेम असंच आहे
सागरासाठी धावणाऱ्या सरीतेसम
एका थेंबासाठी आसक्त चातकासम
दुधावरल्या घट्ट मुलायम सायेसम...
माझे प्रेम असंच आहे
किनाऱ्यास भेटण्या आतुर लाटेसम
धरतीस आलिंगन देणाऱ्या धारेसम
श्रावणात नाचऱ्या मोर पिसाऱ्यासम...
माझे प्रेम असंच आहे
अक्षरांना शोभा देणाऱ्या ओळीसम
गीतास मधुर करणाऱ्या सुरांसम
पावसातल्या भिजरया आठवणीसम ..
देव पेडणेकर (०१/०३/२०१२-१3.५०)
0 comments:
Post a Comment