मी न शब्दात माझ्या
मी न बोलात माझ्या
म्हणती श्वास ज्यास
तोही न कह्यात माझ्या !
ग्रीष्मातल्या ऊनासाठी
क्षण ओले मी वेचिलेले
कोरडे का जाहले सारे
ओंजळ-स्पर्शाने माझ्या !
... अनुकूल न पडले फासे
पटावरती आयुष्याच्या
जिंकूनही "तो एक डाव"
जिंकण्यात का हार माझ्या !
छबी हसरी दावूनी दु:खा
फसविते मी रोज तयांना
वाट थोपविल्या अश्रूंची
जाते या मनातून माझ्या !
सोहळे माझ्या सुखांचे
सजले होते कधीकाळी
मोसम तो मी जगलेला
आज ना आठवांत माझ्या !
-अनामिक
0 comments:
Post a Comment