लळा जिव्हाळा शब्दच खोटे
लळा जिव्हाळा शब्दच खोटे ।
मासा मासा खाई॥
कुणी कुणाचे नाहि,
राजा कुणी कुणाचे नाहि ।
कुणी कुणाचे नाहि,
राजा कुणी कुणाचे नाहि ।
लळा जिव्हाळा शब्दच खोटे ।
पिसे तणसडी, काड्या जमवी चिमणी बांधी खोपे ।
दाणा दाणा आणून जगवी जीव कोवळे छोटे ।
बळावता बळ पंखामधले पिल्लू ऊडूनी जाई ॥१॥
रक्तहि जेथे सूड साधते, तेथे कसली माया ।
कोण कुणाची बहिण भाऊ, पती पुत्र वा जाया ।
सांगायाची नाती सगळी, जो तो अपुले पाही ॥२॥
कुणी कुणाचे नाहि, राजा कुणी कुणाचे नाहि ।
लळा जिव्हाळा शब्दच खोटे ।
चित्रपट : जिव्हाळा
गायक : सुधीर फडके
गीतकार : ग. दि. माडगूळकर
संगीतकार : श्रीनिवास खळे
0 comments:
Post a Comment